Canmlwyddiant yr Urdd
Wyt ti'n barod am flwyddyn epig?
Mae 2022 yn flwyddyn enfawr i’r Urdd ac rydym eisiau i chi fod yn rhan o ddathliadau ein canmlwyddiant.
Mae gennym ddigwyddiadau a dathliadau lu drwy gydol y flwyddyn ar gyfer ein haelodau, ein cefnogwyr a’n holl ffrindiau ledled y byd.
Hwrê! Rydym wedi cyflawni dau deitl Guinness World Records™! Llongyfarchiadau a Diolch yn fawr.
- Y mwyaf o fideos o bobl yn canu yr un gân i gael ei uwchlwytho i Twitter o fewn awr – y record oedd 250 – uwchlwythodd Yr Urdd a’i ffrindiau 1176.
- Y mwyaf o fideos o bobl yn canu yr un gân i gael ei uwchlwytho i Facebook o fewn awr – y record oedd 418 – uwchlwythodd Yr Urdd a’i ffrindiau 461.
Cipolwg ar y gorau o’r ganrif ddiwethaf
Ers 1922, mae’r Urdd wedi darparu cyfleoedd i fwy na 4 miliwn o blant a phobl ifanc Cymru i fwynhau profiadau chwaraeon, celfyddydol, preswyl, dyngarol a gwirfoddol drwy gyfrwng y Gymraeg. Dyma fideo sy'n cynnig cipolwg ar y ganrif ddiwethaf.
Yr Urdd: o'r gorffennol i'r presennol
Rhannwch eich straeon a ffotograffau sy'n dathlu holl weithgareddau'r Urdd o'r gorffennol i'r presennol gyda Casgliad y Werin Cymru. Darllen mwy.
Digwyddiadau i ddod
4-8 Ebril, 2022
Twrnamaint rygbi 7 bob ochor
Twrnamaint rygbi ieuenctid mwyaf Cymru mewn partneriaeth â Undeb Rygbi Cymru. Cynhelir ar Gaeau Pontcanna, Caerdydd, 4-8 Ebrill. I gofrestru eich tîm neu am fwy o wybodaeth.
17-19 Mehefin, 2022
Gemau Trefol
Dros dridiau ym mis Mehefin (17-19) bydd Bae Caerdydd yn cael ei drawsnewid gan ddod â phobl ifanc o bob rhan o Gymru at ei gilydd i gystadlu yn y campau trefol Olympaidd newydd, gyda chystadlaethau megis BMX a sglefr fyrddio.
30 Mai a 4 Mehefin, 2022
Eisteddfod yr Urdd
Dewch i fwynhau un o wyliau Ieuenctid mwyaf Ewrop a gynhelir rhwng y 30 Mai a 4 Mehefin yn Sir Ddinbych. Dyma gyfle i blant a phobl ifanc Cymru ddathlu a chystadlu mewn amrywiol gystadlaethau. Dewch i fwynhau gyda’r teulu cyfan - mwy o wybodaeth.
Uchafbwyntiau’r ymgais Record Byd
Diolch i bawb fu’n rhan o’r ymgais! Mwynhewch uchafbwyntiau’r diwrnod.
Lawrlwythwch dystysgrif i gadw ac i gofio eich ymdrech i dorri Record Byd.
Cystadleuaeth Haf Mistar Urdd - gwybodaeth i ddilyn yn fuan!
Mwy...
Ein Hanes
Sefydlwyd yr Urdd yn 1922 i roi cyfle i blant a phobl ifanc i ddysgu ac i gymdeithasu drwy gyfrwng y Gymraeg. Dysgwch am ein hanes yma!
Siop
Mae nwyddau arbennig wedi’u lansio i ddathlu ein canmlwyddiant. O grysau-t i boteli dŵr a theganau Mistar Urdd arbennig, mae rhywbeth ar gael i bawb!
Fideos ac adnoddau i chi fwynhau yn ystod ein blwyddyn o ddathlu
